Название: Калейдаскоп
Автор: Радзько Нэлі
Издание: Новополоцк сегодня. – 2021. - 15 янв. - С. 16
Падчас зімовых канікул у філіялах Наваполацкай цэнтралізаванай бібліятэчнай сістэмы бурліла актыўнае жыццё.
Напярэдадні Новага года ў бібліятэцы імя У.Караткевіча для дзяцей прышкольнага лагера СШ №12 прайшоў квэст “Чараўніцтва навагодніх задум”. Яго удзельнікам трэба было прайсці некалькі этапаў, каб знайсці галоўны падарунак, прыгатаваны для іх арганізатарамі.
Бібліятэка імя К.Сіманава прапанавала юным чытачам майстар-клас па выкананню калядных паштовак сваімі рукамі. Галоўнай умовай было ўкласці ўнутр сюрпрыз з маленькай ялінкай і ўпрыгожыць яе. Да стварэння работ дзеці падышлі вельмі творча.
Гасцінна сустракала новапалачан падчас зімовых вакацый і дзіцячая бібліятэка імя А.С.Пушкіна. Юныя выхаванцы прышкольнага лагера СШ №2 з задавальненнем прагледзілі 3D-часопісы, чыталі энцыклапедыі, наведалі выставу “Свята на парозе”. Актыўным удзельнікам аднаго з самых любімых наваполацкімі школьнікамі праектаў установы культуры “Гульнялэнд” стала навучэнка 5-га класа БШ №10 Арыны Крыўко, якая атрымала спецыяльны прыз.