Сучасная літаратура Беларусі – з’ява надзвычай шматгранная і разнастайная па сваіх мастацкіх кірунках і набытках. У сучасных умовах перанасычанасці літаратурнага рынку менавіта літаратурна-мастацкія часопісы з’яўляюцца неабходнымі эталонамі добрага літаратурнага густу, арыенцірам для чытача.

Цэнтральная бібліятэка імя У.Маякоўскага прапануе вам, паважаныя чытачы, новы праект “Бібліяграфія ў стылі web”. Гэты праект дапаможа вам арыентавацца ў патоку сучаснай літаратуры, якая друкуецца на старонках літаратурных часопісаў і выбраць тое, што будзе цікавым для вас.

Першы выпуск “Друкуецца ў Беларусі: прэс-агляд літаратурных часопісаў” прысвечаны першым нумарам часопісаў, правераных доўгім часам і якія чытае ўжо не адно пакаленне – гэта найстарэйшы часопіс Беларусі “Полымя” і ”Нёман”, які прадстаўляе рускамоўны сегмент беларускай літаратуры.