Автор: Радзько Нэлі

Издание: Новополоцк сегодня. – 2023. – 16 февр. – С. 16.

Да канца лютага ў бібліятэцы імя Я.Коласа экспануецца “Маляўнічы дэбют” Веранікі Святненка – навучэнкі Дзіцячай мастацкай школы імя І.Ф. Хруцкага.

Юная аўтарка прадстаўляе 14 жывапісных карцін і сем работ ў тэхніцы “камп’ютарная графіка”, якія прыцягваюць увагу разнастайнасцю сюжэтаў, маляўнічым каларытам.

Творчыя здольнасці дзяўчына пачала праяўляць у 4 гады, а ў дзевяць прыйшла на заняткі ў студыю “Ультрамарын”. Зараз яна ўжо ў трэцім класе ДМШ, актыўна ўдзельнічае і перамагае ў мастацкіх конкурсах рознага ўзроўню. Педагогі Ірына Башун і Вольга Станкевіч характарызуюць сваю вучаніцу як здольную, старанную, працавітую асобу з невычэрпнай фантазіяй.