Автор: Радзько Нэлі

Издание: Новополоцк сегодня. – 2023. – 2 февр. – С. 16. – (PRO-КУЛЬТУРА).

У чытальнай зале дзіцячай бібліятэкі імя А.С.Пушкіна адкрылася першая выстава работ навучэнцаў аб’яднання па інтарэсах “Інтэрдызайн” Палаца дзяцей і моладзі. Сваю працу новы гурток пачаў у сакавіку 2023 года. Кіруе ім малады педагог Вікторыя Балтрушэвіч, якая прапанавала выхаванцам выканаць эксперыментальныя кампазіцыі ў тэхніцы графіка.

Вынікі сумеснай работы можна ўбачыць у бібліятэцы да канца лютага.

Для юных аўтараў экспазіцыя стала сапраўднай падзеяй. Падчас урачыстага адкрыцця яны з цікавасцю расказвалі пра творчыя мары, а намеснік дырэктара ПДМ Ала Янулёнак і загадчыца бібліятэкай Таццяна Варанец выказалі пачынаючым мастакам словы падтрымкі і пажадалі не спыняцца на дасягнутым.