Автор: Радзько Нэлі

Издание: Новополоцк сегодня. – 2023. – 26 янв. – С. 16. – (PRO-КУЛЬТУРА).

У межах праекта “Адкрыць талент у кожным” на прасторах Цэнтральнай бібліятэкі імя У.Маякоўскага пачала сваю працу персанальная выстава мастачкі-аматара, барда, удзельніцы народнага літаратурна-музычнага калектыва “Крылы” Ірыны Вашчанка “У творчай майстэрні”.

У экспазіцыі – больш за 35 работ, створаных Ірынай Іванаўнай у розны час. Шырокаму колу гледачоў новапалачанка дэманструе свае пейзажы, партрэты, кампазіцыі. Прыцягваюць увагу тэкстыльныя цацкі: пацешныя мядзведзі, вытанчаныя лялькі, зробленыя з вялікай любоўю і цеплынёй.

Адкрыццё выставы суправаджала канцэртная праграма, у якой мастачка раскрыла свой паэтычны і музычны талент. Упрыгожваннем мерапрыемства стала выступленне танцавальнага клуба “Балансэ” Наваполацкага тэрытарыяльнага цэнтра сацыяльнага абслугоўвання насельніцтва.

Творчы партрэт Ірыны Вашчанка гасцям вечара прадставіла кіраўнік калектыва “Крылы” Галіна Сташкевіч.