Название: PRO-КУЛЬТУРА
Автор: РадЗько Нэлі
Издание: Новополоцк сегодня. – 2020. – 27 марта. - С. 16.
Выставы
У бібліятэцы імя У.Караткевіча працуе выстава карцін ізастудыі “Хамелеон” Палаца дзяцей і моладзі “Салют Перамогі”, прысвечаная 75-годдзю Перамогі ў Вялікай Айчыннай вайне. Сярод аўтараў – Ціхан Студзянкоў, Мацвей Язёнак, Аляксандра Путро, Анастасія Мацвеенка, Раман Лапацін, Аляўціна Якімовіч, Анастасія Бяляева, Ульяна Андрэйчык, Іван Бухараў, Аліна Жарнасек.
“Дзеці з энтузіязмам і цікавасцю рыхтаваліся да экспазіцыі, - расказвае кіраўнік студыі Таццяна Асташкевіч. – Стараліся як мага шырэй адлюстраваць свае ўяўленні аб Вялікай Айчыннай вайне. На прадстаўленых у бібліятэцы малюнках батальныя сцэны, тэхніка ваенных гадоў, партрэты героя і ветэранаў, святочны парад, салют на Краснай плошчы, кветкі пераможцам. Такім чынам юныя творцы шануюць памяць аб славутых продках і іх гераічных учынках, дзякуюць ім за здабыты мір на нашай зямлі”.
Выстава працягне сваю работу да канца мая і будзе пастаянна абнаўляцца.