Маленькія і вялікія, яркія і несамавітыя, сціплыя і ўсюдыісныя, птушкі даўно сталі нашымі суседзямі па горадзе. Якія яны – птушыныя жыхары мегаполісаў можна даведацца, наведаўшы дзіцячую бібліятэку імя С.Маршака. У фае бібліятэкі юных наведывальнікаў сустракае інфармацыйная арт-галерэя, на якой можна ўбачыць самых незвычайных птушыных жыхароў горада: ад самых рэдкіх – такіх як зімародак, да самых распаўсюджаных – такіх як верабей і голуб. А на абанеменце бібліятэкі можна ўзяць энцыклапедыі пра птушак, якія прадстаўлены на кніжнай выставе «Кніжны заапарк».