У зале мастацтваў ЦБ імя У.Маякоўскага 13 снежня літаратурна-музычнае аб’яднанне “Крылы” ладзіла вечарыну-канцэрт па папулярызацыі літаратурна-мастацкага выдання “Паэтычная бібліятэчка “Крылаў”, складальнікам якога з’яўляецца кіраўнік аб’яднання Галіна Сташкевіч. Ёю падрыхтавана да выдання ў Полацкім кніжным выдавецтве восем выпускаў гэтай серыі, якія знаёмяць з паэтычнай творчасцю паэтаў-“крылаўцаў” – Людмілы Мяхедка, Ніны Дзянісавай, Ганны Аляскеравай, Аляксандра Шыпілы, Венядзікта Грынёва, Ларысы Сакарэнка, Вячаслава Атрахімовіча, Вадзіма Саўрова. Праз вершы і песні аўтараў гарталіся старонкі іх кніжак. Дапамаглі ім у гэтым Галіна Сташкевіч, Міхаіл Зудзілаў, Ірына Вашчанка, Фенія Грынёва, Валянціна Пакрапіўная, Вера Урбан, якія выконвалі іх творы.
Серыю кніг можна знайсці ў фондах бібліятэк не толькі Наваполацка, Полацка, але нават і ў Нацыяльнай бібліятэцы Беларусі.
У добрай сяброўскай атмасферы адбылася гэта вечарына. Больш падрабязна пра гэта мерапрыемства глядзіце на старонцы літаратурна-музычнага аб’яднання “Крылы” (Facebook).
{gallery}stories/2022/20221214-staronki{/gallery}