Вось ужо наступіла дзевятнаццатая вясна для народнага калектыву “Крылы”, у гонар якой 20 красавіка ў цэнтральнай бібліятэцы імя У.Маякоўскага ладзілася святочная вечарына-канцэрт. Заснавальнік і нязменны кіраўнік літаратурна-музычнага аб’яднання “Крылы” Галіна Сташкевіч распавяла вечарыну з невялікага экскурса ў далёкі 2002 год, калі 16 красавіка ў дзіцячай бібліятэцы імя А.Пушкіна сабраліся першыя “крылаўцы” – так пачыналася гісторыя ўжо добра вядомага калектыву не толькі ў Наваполацку, а далёка за яго межамі. Узгадала яна таксама пра асноўныя атрыбуты (эмблема, дэвіз) і дасягненні калектыву. Была прадстаўлена і старонка памяці тых, хто быў сярод “крылаўцаў”. Гэта Юрась Касцюк, Сяргей Захараў, Венядзікт Грынёў, Лідзія Полазава, Міхась Блізнец, Вольга Прохарава, Валерый Старынскі, якія ўнеслі значны ўклад у развіццё калектыву і культурнага жыцця горада Наваполацка.
У добразычлівай, утульнай і камернай абстаноўцы бібліятэкі красавіцкую песню аб’яднання “Крылы” склалі цудоўныя вершы, песні, музычныя п’есы ў аўтарскім выкананні паэтаў, бардаў, спевакоў, музыкантаў – па-сапраўднаму творчага і сяброўскага калектыву, у скарбонцы якога шмат узнагарод рэгіянальнага, абласнога, рэспубліканскага і міжнароднага ўзроўню.
Заключным нумарам канцэртнай праграмы стала песня “Крылы” – гімн калектыва, напісаны вядомай паэтэсай-“крылаўцам”, членам Саюза пісьменнікаў Беларусі Тамарай Талкачовай.
Больш падрабязна пра гэта мерапрыемства чытайце на старонцы літаратурна-музычнага аб’яднання “Крылы” (Facebook).
{gallery}stories/2021/20210422-19-let{/gallery}