Да Дня народнага адзінства і Года якасці ў Беларусі 24 верасня ў зале мастацтваў цэнтральнай бібліятэкі імя У.Маякоўскага адбыўся канцэрт народнага літаратурна-музычнага калектыву «Крылы».

Радкі дзяржаўнага гімна Рэспублікі Беларусь «Вечна жыві і квітней, Беларусь!» паслужылі назвай канцэрта, у самым пачатку якога прагучаў і сам гімн. Кіраўнік калектыву ўзгадала гісторыі ўзнікнення дзяржаўнага свята – Дня народнага адзінства і звярнула ўвагу на рэспубліканскую акцыю – Год якасці ў Беларусі. У яе выкананні прагучаў верш «Бульбонія» Юрася Касцюка, аўтарскае ваеннае апавяданне «На пачатку вайны, альбо Разбітае шчасце» і лірычныя замалёўкі.

Невялікая жаночая частка калектыву прадставіла канцэртную праграму. У выкананні Іны Мароз, Людмілы Мяхедка, Наталлі Арцёменка, Алены Штукінай гучалі вершы і песні.

Больш падрабязна пра гэта мерапрыемства на старонцы літаратурна-музычнага аб’яднання «Крылы» (Facebook).