На рэспубліканскім свяце беларускага пісьменства ў Івацэвічах Брэсцкай вобласці была і дэлегацыя пісьменнікаў Віцебскага абласнога аддзялення грамадскага аб’яднання «Саюз пісьменнікаў Беларусі» (старшыня – Т.І.Краснова-Гусачэнка).

У складзе творчай дэлегацыі была і член Саюза пісьменнікаў Беларусі, удзельнік народнага літаратурна-музычнага калектыву «Крылы» цэнтралізаванай бібліятэчнай сістэмы г.Наваполацка, паэтэса Іна Мароз (Саламаха). На інтэрактыўнай пляцоўцы «Слова пісьменніка» у аўтарскім выкананні наваполацкай паэтэсы на роднай беларускай мове эмацыянальна і пранікнёна гучалі лірычныя кампазіцыі «Голас душы», «Далучэнне да вечнасці», «Глыбіня слова», «Сэрца маё – Беларусь». Свята пакінула незабыўныя і добрыя ўражанні.