17 лютага ў дзіцячую бібліятэку імя А.С.Пушкіна завіталі ўдзельнікі літаратурна-экалагічнага клуба ”Пралеска“, каб разам з бібліятэкарам адправіцца ў дзівосную вандроўку па серыі кніг Уладзіміра Ягоўдзіка ”Скарбы Радзімы“. Кожная кнігі пісьменніка – гэта сапраўднае дзіва. Дзеці з задавальненнем чыталі яго кнігі пра кветкі, ягады, грыбы, што растуць у лясах, палях і лугах Беларусі, пра розныя віды жывёл і птушак і рыхтавалі цікавыя паведамленні. У час мерапрыемства дзеці даведаліся, што Уладзімір Ягоўдзік надзвычай цікавы чалавек, улюблёны ў сваю родную зямлю, яе непаўторную прыроду і не аднаразова за свае творы быў узнагароджаны рознымі літаратурнымі прэміямі. 

Сваіх юных чытачоў пісьменнік прызывае пакінуць сцены кватэры і выбрацца ў лес ці на рэчку, і не адкладваць вандроўку, бо наша беларуская прырода прыгожая ў любую пару года.

{gallery}/stories/2020/20200218-Jagoudik/{/gallery}