У кожнай нацыянальнай літаратуры ёсць пісьменнікі, творчасць якіх найбольш поўна адлюстроўвае духоўнае жыцце і думкі народа. У беларускай літаратуры такімі з’яўляюцца Якуб Колас і Янка Купала – стваральнікі несмяротных паэтычных твораў і мастацкай прозы. У гэтым годзе спаўняецца 140 гадоў з дня нараджэння гэтых вялікіх беларускіх пісьменнікаў. У іх гонар супрацоўнікі бібліятэкі імя Я.Коласа 7 ліпеня правялі вулічную акцыю ”Горад чытае Коласа і Купалу“. Навапалачане дэкламавалі ўрыўкі з твораў класікаў, знаходзілі адказы на пытанні эрудыт-віктарыны, адкрывалі для сябе новыя творы і гістарычныя факты, звязаныя з жыццевым і творчым шляхам заснавальнікаў беларускай літаратуры.
{gallery}stories/2022/20220707-goradchitae{/gallery}