PRO-культура
11 Дек,2018Название: PRO-культура
Автор: Радзько Нэлі
Издание: Новополоцк сегодня. – 2018. – 7 дек. - С. 16.
Цэнтральная бібліятэка імя У.Маякоўскага
29 лістапада ў цэнтральнай бібліятэцы імя У.Маякоўскага адбылася прэзентацыя новай кнігі беларускай пісьменніцы Валерыі Фаміновай «Это». Раман выйшаў у сакавіку 2018 года і адразу стаў бестселерам. Гэта шчыры аповед пра тое, што кранае кожнага з нас.
Валерыя – пісьменніца, музычны прадзюсар, аўтар песень, дыпламант «Песні года» Беларусі і Расіі, пераможца пятага сезона літаратурнага конкурсу аўтараў-пачаткоўцаў. У Наваполацку сустрэча з пісьменніцай адбылася ўпершыню і была арганізавана ў межах праекта ЦБС «Сустрэчы ў культурнай сталіцы».
PRO-культура
03 Дек,2018Название: PRO-культура
Автор: Радзько Нэлі
Издание: Новополоцк сегодня. – 2018. – 30 ноября. - С. 16.
Бібліятэка імя Я.Коласа
Да сярэдзіны снежня ў бібліятэцы імя Я.Коласа працуе персанальная выстава навучэнкі 5-га класа дзіцячай мастацкай школы імя І.Ф.Хруцкага, уладальніцы прэміі Наваполацкага гарадскога Савета дэпутатаў па падтрымцы таленавітых дзяцей і моладзі ў сферы культуры і мастацтва гэтага года Таццяны Жойдзік «Будучыня нараджаецца сёння».
Выкладчыкі Ірына Башун і Аляксей Плаксін адзначаюць, што кампазіцыі юнай мастачкі адрозніваюцца яркім сюжэтам і глыбокім сэнсам. Таццяна працуе ў тэхніцы гуаш, акварэль, захапляецца жывапісам алеем. 3 19 работ, прадстаўленых на выставе, 10 - копіі з рэпрадукцый карцін вядомых мастакоў. Дзяўчына актыўна ўдзельнічае ў творчых конкурсах і выставах. Мае шэраг узнагарод. Летась заваявала дыплом I ступені VII Міжнароднага дзіцяча-юнацкага конкурсу выяўленчага мастацтва «КрасаWЕЕК», дыплом II ступені V Рэспубліканскага мастацкага конкурсу дзіцячай творчасц| «Архітэктура роднага краю вачыма дзяцей».
Сорак год побач
29 Нояб,2018Название: Сорак год побач
Автор: Радзько Нэлі
Издание: Новополоцк сегодня. – 2018. – 27 ноября. - С. 5.
У лістападзе свой юбілей святкуе дзіцячая бібліятэка-філіял №4 імя А.С.Пушкіна, якая ўпершыню адкрыла свае дзверы юным чытачам у 1978 годзе.
Дарэчы, «сяброўства» з выдатным рускім пісьменнікам Аляксандрам Сяргеевічам завязалася значна пазней заснавання - у 1985 годзе, пасля таго як установа пераехала з невялічкага пакойчыка па адрасе Маладзёжная, 21 у сучасныя прасторы па вуліцы Юбілейнай, 1. Як змянялася і чаго дасягнула за гэты працяглы час адна з любімых юнымі гараджанамі бібліятэк - у размове з загадчыцай установы Таццянай Варанец:
Бібліятэкары - добрыя архіварыусы. Усё памятаюць і ашчадна зберагаюць. Згодна вашым жа летапісам чацвёрты філіял ЦБС з пачатку свайго існавання налічваў усяго «...10 000 экзэмпляраў кніг. За першы год бібліятэку наведалі 400 чытачоў, якім было выдадзена каля 2500 асобнікаў... ». Чым пахваліцеся сёння?
- 3 таго часу усё змянілася. Сёння чытачамі бібліятэкі-філіяла з'яўляюцца 3500 новапалачан. Да іх патрэбы больш за 50000 кніг, перыядычных выданняў і матэрыялаў на электронных носьбітах. Штогод мы праводзім каля 300 разнастайных мерапрыемстваў. У рамках творчай праграмы для дашкольнікаў «Расток» бібліятэкары штотыдзень знаёмяць юных новапалачан з творамі лепшых дзіцячых пісьменнікаў, праводзяць віктарыны і пазнавальныя квэсты. Для дзяцей з абмежаванымі здольнасцямі і тых, хто часова знаходзіцца ў цяжкай жыццёвай сітуацыі, рэалізуецца праграма «Сонейка». Вялікую папулярнасць атрымаў праект па прыцягненні цікавасці дзяцей да роднай культуры «Чытай са мной па-беларуску», дзе маленькія новапалачане з карысцю бавяць час, чакаючы сваёй чаргі да ўрача ў дзіцячай паліклініцы. Не забываемся мы і пра школьнікаў. Найбольш шчыльна працуем з навучэнцамі СШ №№ 1, 2, 3, БШ №10, гімназіі №1. Створаны і паспяхова працуе літаратурна-экалагічны клуб «Пралеска». 3 гэтага года пачала сваю работу праграма па творчасці Аляксандра Сяргеевіча «Пушкініяна».
Наша бібліятэка мае шэраг узнагарод. Сярод апошніх - дыплом Віцебскага абласнога выканаўчага камітэта «За высокія творчыя дасягненні ў галіне культуры і мастацтва ў намінацыі «Лепшая дзіцячая бібліятэка» і дыплом пераможцы штогадовага ўнутрысістэмнага агляду-конкурсу прафесійнага майстэрства ЦБС у намінацыі «Лепшая бібліятэка».
А што ўдалося рэалізаваць у рамках рэспубліканскай акцыі «Наваполацк - культурная сталіца Беларусі 2018»?
- У гэтым годзе мы зрабілі асноўны акцэнт на правядзенне квэстаў самай рознай тэматыкі. У ліпені падвялі вынікі конкурсу відэаролікаў «Я чытаю Пушкіна», які быў заяўлены як міжнародны і праходзіў у рамках галоўнага гарадскога праекта года «Лілея сяброўства». У межах рэалізацыі культурнай акцыі цэнтралізаванай бібліятэчнай сістэмы «Літаратурныя сустрэчы ў сталіцы» да нас завіталі знакамітыя беларускія пісьменнікі Надзея Ясмінска і Міхась Пазнякоў, якія пішуць для дзяцей. Напярэдадні Дня горада ў нашай бібліятэцы прайшла прэзентацыя зборніка вершаў наваполацкіх аўтараў «Крыніца майго натхнення».
Наступны год таксама асаблівы для вас. Ён пройдзе пад знакам 220-годдзя з дня нараджэння «генія рускай паэзіі». Як будзеце святкаваць? Ведаю, у вашай бібліятэцы ёсць нават музей, прысвечаны Пушкіну?
- Так, з 2001 года на нашай базе існуе «Пушкінскі музейны пакой». Яго кніжны фонд налічвае каля 2500 тысяч асобнікаў. Калекцыя збіралася некалькі год. Каля 20 кніг нам перадаў знакаміты наваполацкі літаратар Анатолій Бясперстых. Самы каштоўны экзэмпляр музея «Пушкінскі збор сачыненняў», выдадзены у 1899 годзе Міністэрствам фінансаў Расійскай імперыі. А самы незвычайны - маленькая кніжыца з вершам «Ахоўвай мяне, мой талісман» памерам усяго 2 сантыметры. У гэтым годзе некалькі рарытэтных асобнікаў нам перадала бібліятэка-філіял №8 г.п.Баравуха. Сярод іх - «Пушкін у музыцы», «Набярэжная Мойкі, 12», «Пушкін і дзекабрысты» і іншыя.
Апошнія гады бібліятэкары вашай установы не саступаюць лідэрства ў конкурсе ЦБС «Лепшы бібліятэкар года». Падзяліцеся сакрэтам поспеху.
- У нас працуюць па-сапраўднаму адданыя бібліятэчнай справе спецыялісты. Калектыў налічвае ўсяго 6 чалавек. Гэта Дар'я Лугавая, Аляксандра Гарначова, Марына Багушонак і Наталля Яфрэмава, працоўны стаж якой складае ўжо 30 год. Па адзнаках кіраўніцтва ЦБС, нашы працаўнікі неаднаразова прызнаваліся лепшымі бібліятэкарамі. У гэтым годзе прызнанне атрымала бібліятэкар чытальнай залы Таццяна Мятлюк. Таццяна Леанідаўна не толькі прафесіянал, але і таленавіты чалавек. Яна робіць відэапрэзентацыі, вядзе сацыяльныя сеткі, піша сцэнарыі да нашых мерапрыемстваў, займаецца выдавецкай дзейнасцю. Мае выключны мастацкі густ.
Таццяна Валер'еўна, месяц заснавання бібліятэкі цудоўным чынам супаў з вашым асабістым днём нараджэння. Як лёс звязаў вас з гэтай установай?
- Пэўна так было наканавана. Мая маці ўсё жыццё працавала ў бібліятэцы вёскі Сакалоўшчына Верхнядзвінскага раёна, адкуль я родам. Гэтую прафесію для сябе абралі мае родныя цёткі і стрыечная сястра. У Наваполацк я прыехала ў 1998-м. Размеркавалася ў бібліятэку імя А.С.Пушкіна. Працавала тут 15 год. Потым перайшла ў трэці філіял ЦБС. Спачатку была галоўным бібліятэкарам, а пасля ўзначальвала аддзел абслугоўвання. У мінулым годзе зноў вярнулася ў любімую бібліятэку, але ўжо у якасці загадчыцы.
PRO-культура
27 Нояб,2018Название: PRO-культура
Автор: Радзько Нэлі
Издание : Новополоцк сегодня. – 2018. – 23 ноября. - С. 16.
Бібліятэка імя А.С.Пушкіна
У дзіцячай бібліятэцы імя А.С.Пушкіна ўзнагародзілі пераможцаў конкурсу асацыятыўнага малюнка «Гульня ўяўлення, або Угадай, якую кнігу я прачытаў». Імі сталі навучэнцы гімназіі №1: Карына Смольская, Цімафей Кагалёнак (2 «А» клас), Аліса Алісіевіч (2 «Г»), Ганна Вахціна (4 «Г»), Яна Свідзінская і Іван Зінкевіч (4 «Д»). А таксама вучні БШ №10 Сафія Юшчанка (8 «В» клас), Аліна Яршова (8 «А»).
PRO-культура
27 Нояб,2018Название: PRO-культура
Автор: Радзько Нэлі
Издание : Новополоцк сегодня. – 2018. – 23 ноября. - С. 16.
Бібліятэка імя У.Маякоўскага
Любіце захапляльныя, дэтэктыўныя раманы з нечаканай развязкай у фінале? Тады кнігі беларускай пісьменніцы Вольгі Маслюковай - для вас. За гады дзейнасці на ніве творчасці яна выдала два зборнікі апавяданняў і 8 раманаў («Вір кахання», «Ягор», «Рай у цемры», «Не кажы каханню «Бывай», «Скрадзенае шчасце», «Возера шчасця» і іншыя). Яе творы адрозніваюць цікавыя сюжэтныя лініі, лёгкі літаратурны стыль і насычаныя дыялогі. Дарэчы, піша Вольга Іванаўна не толькі для дарослых, але і для дзяцей. А якія прыгожыя вершы, рамансы нараджаюцца з-пад яе пяра! Апавяданні Маслюковай можна знайсці амаль у кожнай оnline-бібліятэцы ці ў сацыяльнай сетцы, дзякуючы чаму з імі добра знаёмы ўдзячныя чытачы па ўсім свеце. На мінулым тыдні віцебская пісьменніца і паэтка, член Беларускага літаратурнага саюза «Полоцкая ветвь» і Саюза пісьменнікаў Расіі Вольга Маслюкова ўпершыню наведала культурную сталіцу Беларусі 2018 - Наваполацк. Падчас сустрэчы ў бібліятэках імя У. Маякоўскага і С. Маршака яна расказала пра свой творчы шлях і адказала на шматлікія пытанні чытачоў.
«У мяне насычаны падзеямі лес. Нарадзілася ў Архангельску. Працавала ў Казахстане, Расіі. Беларусь увогуле лічу сваёй другой радзімай. Падчас працоўнай дзейнасці займала выключна кіруючыя пасады, а калі пайшла на адпачынак, захапілася пісьменніцтвам. Ідэі для кніг прыходзяць самі сабой. Еду я куды, ці сняданак гатую, ці проста па вуліцы іду. Раз пайшоу радок як бляск - адразу стараюся запісаць думку. Нават на прыложкавай тумбе ў мяне заўсёды ляжыць блакнот. Я актыўны па натуры чалавек, мне ўсё цікава – ад палітыкі да псіхалогіі. Багаты жыццёвы вопыт дапамагае ў напісанні кніг, але героі маіх раманаў не аўтабіяграфічны. Дарэчы, у хуткім часе выйдзе мой новы твор», - у размове з карэспандэнтам «НС» падзялілася Вольга Маслюкова.
Культурные связи с Павловском
31 Окт,2018Название: Культурные связи с Павловском
Автор: Радько Нелли
Издание : Новополоцк сегодня. – 2018. – 30 окт. - С. 2.
В культурной столице всегда рады гостям. В особенности – представителям городов-побратимов. На днях в детской библиотеке-филиале №3 им. С. Маршака с дружеским визитом побывала заведующая библиотекой-филиалом №1 г.Павловска СПГБУ «Территориальная централизованная библиотечная система Пушкинского района» Валентина Меньшикова. Нынешней предшествовала июльская встреча на мероприятиях в рамках республиканской акции «Новополоцк – культурная столица Беларуси 2018». Валентина Анатольевна воспользовалась приглашением ЦБС посетить наш город и была приятно впечатлена увиденным. Поблагодарить за оказанный приём заведующая библиотекой из Павловска решила лично. Визит носил культурно-просветительский характер. Валентина Анатольевна передала Благодарственное письмо от администрации централизованной библиотечной системы Пушкинского района директору ЦБС Марии Караваевой, рассказала о своей деятельности. Подготовила и показала презентацию о наиболее ярких архитектурных достопримечательностях, культурных ценностях г. Павловска.
«Я люблю вашу страну. Вы очень гостеприимный народ. Меня приятно удивили радушие и деятельность сотрудников Новополоцкой библиотечной системы. У вас хорошо организована работа, есть интересные проекты в области краеведения. Для меня, библиотекаря с большим стажем, это был полезный опыт. В этот приезд я решила рассказать о своём любимом городе Павловске, где родилась и живу. О том, что у нас существует, что, к сожалению, исчезло, что мы восстановили, чем гордимся. Я встретила людей, которые любят библиотечное дело, поэтому надеюсь на дальнейшее плодотворное сотрудничество», - в беседе с корреспондентом «НС» отметила Валентина Меньшикова.
Лепшая
22 Окт,2018Название: Лепшая ў вобласці
Автор: Радзько Нэлі
Издание : Новополоцк сегодня. – 2018. – 19 окт. - С. 13.
У галіне культуры вобласці яшчэ адна нагода для гонару. Бібліятэкар першай кваліфікацыйнай катэгорыі дзіцячай бібліятэкі імя С.Маршака Іна Андронава прызнана лепшым бібліятэкарам Віцебскай вобласці.
Іна Аркадзьеўна – цікавая і артыстычная натура. Яна не толькі выдатны спецыяліст сваёй справы, але і добры арганізатар, творчая асоба, надзеленая паэтычным талентам.
Лепшы бібліятэкар вобласці нарадзілася на поўначы Расіі – у Мурманскай вобласці, дзе ў той час праходзіў вайсковую службу яе бацька. З юнацтва марыла стать настаўнікам матэматыкі. Пасля заканчэння школы паступіла ў Полацкае педагагічнае вучылішча. Нейкі час працавала ў дзіцячым садку, а 18 гадоў таму прыйшла у бібліятэку імя С.Маршака і зразумела – гэта яе прызванне.
Да кожнага мерапрыемства Іна Аркадзьеўна рыхтуецца з любоўю і дбайнасцю. Прыдумляе самыя разнастайныя формы падачы інфармацыі: прадстаўляе кнігу ў мультымедыйным фармаце, праводзіць гульні і віктарыны па матывах казак і вершаў. У сферы яе дзейнасці – супрацоўніцтва з дашкольнымі ўстановамі горада. Ёй ахоплены такія напрамкі работы, як ваенна-патрыятычнае, краязнаўчае, духоўна-прасвяшчальнае, эстэтычнае, экалагічнае выхаванне юных новапалачан. Вялікай папулярнасцю сярод дашкольных устаноў карыстаецца вўтарскі праект Іны Аркадзьеўны «Кніжны сад», а таксама квесты і мерапрыемствы па асновах бяспекі жыццядзейнасці. Дзецям і моладзі яна прывівае любоў да беларускамоўнай кнігі. У яе скарбонцы гульня-падарожжа «Дакраніся душой і сэрцам да слова роднага з маленства», вершаваная карусель по творчасці Міхася Пазнякова «Сустрэча з родным словам». З 2014 года працуе пры бібліятэцы адкрыты лялечны тэатр «Церамок», дзе Іна Аркадзьеўна выступае ў ролі лялькавода і рэжысёра. Кожны спектакль з яе ўдзелам напоўнены душэўнай цеплынёй. А паспрабаваць сябе ў ролі акцёраў могуць і дзеці.
Іна Аркадзьеўна не стаіць на месцы, увесь час удасканальвае разнастайныя формы работы. Уладкоўваючы юным чытачам экскурсію па бязмежным моры літаратуры, яна заўсёды знойдзе час паразмаўляць, адказаць на любое пытанне дзіцяці, адорыць яго сваёй цёплай і шчырай усмешкай.
З павагай да кожнага
22 Окт,2018Название: З павагай да кожнага
Автор: Радзько Нэлі
Издание : Новополоцк сегодня. – 2018. – 19 окт. - С. 1, С. 13.
Не паспелі работнікі культуры адзначыць сваё прафесійнае свята, як зноў апынуліся ў цэнтры ўвагі. На гэты раз імідж лепшых у краіне - за цэнтралізаванай бібліятэчнай сістэмай горада.
Учора ў Нацыянальнай бібліятэцы Беларусі ўрачыста ўзнагародзілі пераможцу рэспубліканскага конкурсу «Лепшы публічны цэнтр прававой інфармацыі» - Наваполацкі публічны цэнтр прававой інфармацыі на базе цэнтральнай бібліятэкі імя У. Маякоўскага ЦБС.
Высокую адзнаку работы за подпісам міністра культуры Рэспублікі Беларусь прымала загадчык Наваполацкага ПЦПІ Ала Кучарава.
Публічны цэнтр прававой інфармацыі ў Наваполацку быў адкрыты ў 1999 года. Ён дазволіў аператыўна рэагаваць на запыты гарвыканкама і задавальняць канстытуцыйнае права грамадзян на доступ да афіцыйна-прававой літаратуры, першапачатковай юрыдычнай кансультацыі, адраснага атрымання інфармацыі. «Каму з нас не даводзілася мець справу з афіцыйнымі паперамі? Хтосьці адкрывае свой бізнес або займаецца падзелам бацькоўскай спадчыны… Куды звяртацца? Як высветліць з якой канторы пачынаць свой шлях па неабходнаму збору дакументаў? Мы заўсёды рады дапамагчы. Цэнтр – гэта свайго роду інфармацыйная зона камфорту па забеспячэнні грамадзян поўнымі і актуальнымі прававымі ведамі», - адзначае Ала Кучарава.
Кожны год колькасць карыстальнікаў складае больш за 670 чалавек. За 2016-2017 год было выдадзена 10512 даведак. Цэнтр праводзіць вялікую апавяшчальную работу. Цесна супрацоўнічае з сацыяльнымі службамі і грамадскімі аб’яднаннямі горада, праводзіць разнастайныя мерапрыемствы для вучнёўскай і працоўнай моладзі. Сумесна з жаночай кансультацыяй паліклінікі №1 гарбальніцы арганізуе прававыя лекторыі для слухачак «Школы маладой матулі». Вось ужо 15 год на базе цэнтра працуе юрыдычная служба студэнтаў Полацкага дзяржуніверсітэта. Яны дапамагаюць людзям. Пішуць іскавыя заявы. Спецыялісты натарыяльнай канторы г.Наваполацка штомесяц бясплатна кансультуюць жыхароў горада па пытаннях завяшчанне, афармлення і атрымання спадчыны. У выпадках, калі патрабуецца дадатковая апрацоўка інфармацыі, запісваюць на прыём у натарыяльную кантору. За 2016-2017 гг. кваліфікаваную дапамогу атрымалі 223 чалавекі.
Вялікі пласт работы са зводамі закона і кодэксамі правіл можа паказацца камусьці манатонным і не цікавым. Але бібліятэкары Ала Кучарава і Вераніка Папраўка шчыра любяць сваю работу і гавораць пра яе з асабістым гонарам.
Ураджэнка горада Вілейка Мінскай вобласці Ала Кучарава ў Наваполацк прыехала пасля заканчэння Беларускага дзяржаўнага ўніверсітэта культуры і мастацтваў. Працавала бібліятэкарам у Полацкім дзяржуніверсітэце. Тут сустрэла свой лёс – выйшла замуж, нарадзіла дзяцей. У 2016-ым уладкавалася ў Публічны цэнтр прававой інфармацыі, а ў снежні 2017 года яго ўзначаліла.
У тандэме з Алай Алегаўнай працуе Вераніка Папраўка. Гісторык па адукацыі Вераніка Аляксандраўна мае багаты прафесійны лёс. Працавала настаўнікам гісторыі ў ліцэі, малодшым супрацоўнікам, пасля - захавальнікам фондаў гарадскога музея, галоўным спецыялістам аддзела ідэалагічнай работы, культуры і па справах моладзі гарвыканкама. У цэнтралізаваную бібліятэчную сістэму прыйшла ў снежні 2016 года.
Кампетэнтныя, шчырыя, творчыя супрацоўнікі ПЦПІ - сапраўдныя прафесіяналы сваё справы з вялікім сэрцам, адкрытым кожнаму. Яны не толькі дапамагаюць людзям разабрацца ў складаных жыццёвых сітуацыях, а і фарміруюць культуру афіцыйных зносін у грамадстве.
PRO - культура
15 Окт,2018Название: PRO - культура
Автор: Радзько Нэлі
Издание : Новополоцк сегодня. – 2018. – 12 окт. - С. 16.
Бібліятэка імя Я.Коласа
Да 30 лістапада ў выставачнай зале бібліятэкі імя Я.Коласа працуе ўнікальная выстава аўтарскіх лялек «Сусвет мар». Кожны з прадстаўленых экспанатаў без перабольшвання – твор высокага мастацтва. Захапляе дэтальнае, амаль ювелірнае выкананне вырабаў. Прыгожыя і вытанчаныя, крэатыўныя і экстравагантныя цацкі-прыгажуні зроблены з неверагодным майстэрствам і высокім густам. Аўтар работ – мастак з Верхнядзвінску Наталля Палікарпава. Выпускніца мастацка-графічнага факультэта Віцебскага дзяржаўнага педагагічнага ўніверсітэта імя П.М.Машэрава Наталля Аляксандраўна свой прафесійны лёс прысвяціла дзецям – больш за 20 гадоў вучыла юнакоў і дзяўчат асновам выяўленчага мастацтва. Пятнаццаць гадоў таму ў адным з часопісаў яна ўбачыла артыкул аб стварэнні аўтарскай лялькі з пап’е-машэ. Ідэя яе захапіла.
На выставе прадстаўлены 27 прыгажунь з калекцыі «Феі і чараўніцы». Усе работы выкананы ў тэхніцы папь’е-машэ. На стварэнне калекцыі спатрэбілася каля 4 гадоў. Наталля Аляксандраўна не працуе па гатовых эскізах. Кожная яе лялька – непаўторны твор мастацтва ў адзіным экземпляры.
PRO - культура
09 Окт,2018Название: PRO - культура
Автор: Радзько Нэлі
Издание : Новополоцк сегодня. – 2018. – 5 окт. - С. 16.
Бібліятэка імя У.Маякоўскага
У Беларусі адзначылі Дзень пажылых людзей. У бібліятэках Наваполацкай ЦБС прайшлі разнастайныя мерапрыемствы, прымеркаваныя да гэтай даты. Незвычайна трапяткой і душэўнай атрымалася сустрэча ў цэнтральнай бібліятэцы імя У.Маякоўскага. За салодкім сталом тут сабраліся прадстаўніцы ветэранскай арганізацыі цэнтралізаванай бібліятэчнай сістэмы г. Наваполацка. У кожнай з іх было чым падзяліцца, аб чым расказаць. Кіраўнік фарміравання Фаіна Жураўлёва падрыхтавала для гасцей цікавую культурна-пазнавальную праграму. Супрацоўніцы абанемента бібліятэкі чыталі вершы са зборніка «Наваполацк – крыніца майго натхнення» пад рэдактарствам ЦБС, што пабачыў свет у канцы гэтага года, а навучэнец музкаледжа Віктар Тарасенка праспяваў шмат добрых песень.
Тэматычны вечар атрымаўся шчодрым на душэўныя ўспаміны і радасныя эмоцыі.
