Автор: Радзько Нэлі

Издание: Новополоцк сегодня. – 2025. – 24 янв. – С. 16. – (PRO-культура).

Тры Соф’і – тры творцы. У бібліятэцы імя Я.Коласа адкрылася сумесная выстава навучэнак 5-га класа Дзіцячай мастацкай школы імя І.Ф.Хруцкага “Арт-трыа”.

Юныя аўтаркі носяць імя, што перакладаецца з грэчэскай мовы як “прамудрасць Божая”. Навуцы бачыць і перадаваць прыгажосць навакольнага свету дзяўчаты вучацца пад кіраўніцтвам Ірыны Башун, Іны Шыпілы і Аксаны Малюшыцкай. Соф’я Карман і Соф’я Вахніна пачыналі свой творчы шлях у студыі выяўленчага мастацтва “Вясёлка”. Першая аддае перавагу габелену, другая захапляецца эстэтыкай ліній і адценняў – спалучае графічныя прыёмы з колерам. Працавітая і мэтанакіраваная Соф’я Дзям’яненка палюбіла акварэль. На выставе будучыя майстры пэндзлю прадставілі нацюрморты, кампазіцыі, жывапіс алеем, габелен, качанне з воўны.

Усе тры Соні мараць звязаць сваю будучыню са сферай мастацтва. Педагогі адзначаюць у сваіх навучэнках уменне крапатліва падыходзіць да дэталяў, вобразна перадаваць свае думкі, пачуцці, настрой на аркушы паперы.