Название: PRО-культура

Автор: Радзько Нэлі

Издание: Новополоцк сегодня. – 2020. –30 окт. - С. 16.

Прэзентацыі

Самабытны наваполацкі пісьменнік, удзельнік народнага літаратурна-музычнага аб’яднання “Крылы” цэнтралізаванай бібліятэчнай сістэмы Вячаслаў Атрахімовіч прэзентаваў свой новы зборнік вершаў і апавяданняў “Хачу ляцець”.

Кожны твор аўтара – шчырае прызнанне ў любові да Радзімы, зямельцы-матухны і блізкіх людзей. Гумар, якім напоўнена творчасць Вячаслава Атрахімовіча, ідзе з самых глыбінь народнай культуры, а добрае веданне роднай мовы дапамагае трапна і грунтоўна выкарыстоўваць беларускае слова.

Прэзентацыя прайшла ў цэнтральнай бібліятэцы імя У.Маякоўскага. Вершы і апавяданні пісьменніка чытала кіраўнік літаб’яднання Галіна Сташкевіч. Асобныя творы прагучалі ў музычным упрыгожанні Ірыны Вашчанкі і Аляксандра Несона. Парадаваў слухачоў уласнай дэкламацыяй і сам Вячаслаў Паўлавіч.

Новая кніга працягвае серыю “Паэтычная бібліятэчка “Крылаў”. Некалькі асобнікаў пісьменнік перадаў бібліятэкам Наваполацка.