Автор: Радзько Нэлі

Издание: Новополоцк сегодня. – 2023. – 9 марта. – С. 16. – (PRO-культура).

Напярэдадні вясны ў бібліятэцы імя А.С.Пушкіна адкрылася сумесная выстава “Акварэльныя сны” студый выяўленчага мастацтва “Хамелеон” і “Вясёлка” Палаца дзяцей і моладзі.

Эспазіцыя – вынік супрацоўніцтва творчых аб’яднанняў са знакамітым наваполацкім мастаком Яўгенам Панамарэнка, які правёў серыю майстар-класаў для юных навучэнцаў. Іх працы прысвечаны самай цікавай і цяжкай тэхніцы выяўленчага мастацтва – пісьму ў адзін прыём. Як гаворыць сам Яўген Георгіевіч “Акварэль – душа мастацтва”. Натхніўшыся яго словамі гурткоўцы стварылі серыю разнажанравых карцін. Пабачыць іх можна да канца сакавіка.