Название: Выставы

Автор: Радзько Нэлі

Издание: Новополоцк сегодня. – 2023. – 17 февр. – С. 16. – (PRO -культура).

13 лютага споўнілася 105 год з дня нараджэння Героя Савецкага Саюза, Сацыялістычнай працы, партыйнага і дзяржаўнага дзеяча БССР, першага сакратара ЦК кампартыі Беларусі, аднаго з самых знакамітых кіраўнікоў падпольнага руху ў гады Вялікай Айчыннай вайны па мянушцы «Дубняк» Пятра Машэрава.

Успомніць выбітнага ўраджэнца Віцебшчыны запрашае дзіцячая бібліятэка імя А.С.Пушкіна. Да юбілею Пятра Міронавіча ва ўстанове арганізавана выстава, на якой прадстаўлены біяграфічны даведнік, гістарычны нарыс, навукова-папулярнае выданне для школьнікаў, мастацка-дакументальная аповесць, а таксама кніга ўспамінаў родных і блізкіх, аднакласнікаў і аднакурснікаў, таварышаў легендарнага Машэрава.

Название: Выставы

Автор: Радзько Нэлі

Издание: Новополоцк сегодня. – 2023. – 10 февр. – С. 16. – (PRO -культура).

Насычаныя пейзажы, мяккія паўцені нацюрмортаў, цікавыя сюжэтныя рашэнні кампазіцыйных работ…У бібліятэцы імя Я.Коласа праходзіць выстава пачынаючай наваполацкай мастачкі Марыі Фёдаравай «Гармонія душы і колеру».

Для вучаніцы вупускнога класа ДМШ імя І.Ф.Хруцкага – гэта экспазіцыя стала дэбютнай. Падчас навучання ў вопытных настаўнікаў школы – Юліі Ступінай, Аляксея Плаксіна, Валянціны Пылінскай, яна добра засвоіла шматлікія тэхнікі і стылі жывапісу. Сёння на творчым рахунку дзяўчыны разнажанравыя работы, выкананыя акварэллю, гуашшу, алеем. Як адзначаюць педагогі, кожная карціна Марыі выканана настолькі старанна і крапатліва, што прадстаўляе сабой своеасаблівае падарожжа ва ўнутраны свет юнай мастачкі.

Да 12 сакавіка ў цэнтральнай бібліятэцы імя У.Маякоўскага працуе выстава дэкаратыўна-прыкладной творчасці «Тварэнне душы і рук».

Яе аўтары не прафесійныя майстры, а педагагічныя работнікі дзіцячага садка №19. Выхавацелі Жанна Белазорчык, Вольга Давыдава, Іна Сямёнава, памочнік выхавацеля Таццяна Клыпа, музычны кіраўнік Вольга Бондар на чале з загадчыцай установы Наталляй Хіхіч прадставілі вышыўкі, выкананыя крыжыкам і гладдзю, а намеснік загадчыка Яўгенія Мароз і памочнік выхавацеля Аляксандра Рамашка – карціны ў тэхніцы «алмазная мазаіка». Тэматыка твораў: пейзажы, нацюрморты, жанравыя сцэны.

Выстава праходзіць у межах праекта бібліятэкі «Адкрыць талент у кожным», мэта якога – даць шанец гараджанам прадставіць свае захапленні шырокаму колу гледачоў.

Название: Канцэрт

Автор: Радзько Нэлі

Издание: Новополоцк сегодня. – 2023. – 10 февр. – С. 16. – (PRO -культура).

Літаратурна-музычнае аб’яднанне “Крылы” распачала цыкл краязнаўча-тэматычных мерапрыемстваў, прысвечаных 65-годдзю Наваполацка.

Першай ластаўкай стала вечарына-канцэрт “У вершах і ў песнях цябе ўслаўляем, любімы наш горад”, што прайшла ў цэнтральнай бібліятэцы імя У.Маякоўскага. Адкрыла праграму аўтарская п’еса Валянціны Пакрапіўнай, прадоўжылі – лірычныя песні Міхаіла Зудзілава і рускія рамансы ў выкананні Аляксандра Ігоніна. Фенія Грынёва прачытала вершы паэтаў- першабудаўнікоў Міхаіла Блізнеца, Ніны Дзянісавай, Валерыя Старынскага. Юбілею Нафтаграда свой санет прысвяціла паэтэса Ларыса Сакарэнка, а Алена Штукіна напісала песню на верш Блізнеца “Мой горад”.

Захапляльную вандроўку па галоўным дастапомнасцям Нафтаграда праз свае літаратурныя замалёўкі “Шчодры падарунак” і “Песня Дзвіны” слухачам падарыла кіраўнік “Крылаў” Галіна Сташкевіч. Арганічным дапаўненнем вечара стала выстава літаратуры, на якой былі прадстаўлены альбомы пра Наваполацк і кнігі “крылаўцаў”.

– Наш горад пабудавалі людзі з гарачымі сэрцамі. Яны ехалі сюды з усіх куткоў былога Савецкага Саюза. Знаёміліся, сябравалі, стваралі. Цыклам мерапрыемстваў да святкавання 65-годдзя Наваполацка мы хочам нагадаць гараджанам гісторыю роднага краю, прадэманстраваць багатую літаратурную спадчыну нашых сучаснікаў, – у размове з карэспандэнтам “НС” адзначыла Галіна Сташкевіч.

Название: Літсустрэчы

Автор: Радзько Нэлі

Издание: Новополоцк сегодня. – 2023. – 27 янв. – С. 16. – (PRO -культура).

У дзіцячай бібліятэцы імя С.Маршака працягваецца цыкл мерапрыемстваў «Дзецям пра пісьменнікаў». У мінулую пятніцу, 20 студзеня, першакласнікі СШ №4 пазнаёміліся з творчасцю выдатнага расійскага паэта, сцэнарыста, драматурга Андрэя Усачова, які сёлета адзначвае сваё 65-годдзе.

Юныя новапалачане гулялі ў лінгвістычныя гульні, дадавалі або перастаўлялі месцамі літары, як гэта робіць у сваіх вершах Андрэй Аляксеевіч, з цікавасцю праслухалі фрагмент яго відэаінтэрв'ю. А напрыканцы сустрэчы паглядзелі мультфільмы па матывах верша расійскага пісьменніка «Кароўка».

З нагоды 85-гадовага юбілея Віцебскай вобласці ў бібліятэцы імя У.Караткевіча прайшло займальна-пазнавальнае падарожжа для вучняў СШ №14.

Напачатку мерапрыемства хлопчыкі і дзяўчынкі пазнаёміліся з гісторыяй станаўлення, сучасным развіццём Віцебшчыны, а пасля здзейснілі віртуальную экскурсію на найбольш знакавых славутасцях. Так як архітэктурныя помнікі знаходзяцца ў розных населеных пунктах, вучням было прапанавана скласці карту і даведацца назвы 21-го раёна краю блакітных азёр.