Библиотека в СМИ (92)

Название: PRO-культура

Автор: Радзько Нэлі

Издание : Новополоцк сегодня. – 2017. – 1 сентября. - С. 16.

 

        Цэнтралізаваная бібліятэчная сістэма

       У Наваполацкай ЦБС падвялі вынікі штогадовага унутрысістэмнага конкурсу прафесійнага майстэрства. Да разгляду камісіі былі прадстаўлены матэрыялы з творчымі напрацоўкамі галоўнага бібліятэкара аддзела абслугоўвання і інфармацыі цэнтральнай бібліятэкі імя У.Маякоўскага Ірыны Рыхлёнак, бібліёграфа дзіцячай бібліятэкі-філіяла №3 імя С.Маршака Наталлі Кудлык, бібліятэкара дзіцячай бібліятэкі-філіяла №4 імя А.Пушкіна Юліі Харытонавай. Пры падрыхтоўцы конкурсных работ усе намінанты паказалі высокі прафесіяналізм.

     Па выніках галасавання лепшай стала Юлія Харытонава. У бібліятэчнай сістэме Юлія Мікалаеўна працуе трэці год. Паралельна вучыцца на гісторыка-філалагічным факультэце Полацкага дзяржуніверсітэта. Творчая i дасціпная, яна з цікавасцю ставіцца да ўсяго новага, арганізуе i праводзіць шэраг мерапрыемстваў для розных катэгорый чытачоў. Асабліва багатым на імпрэзы i перамогі для Юліі стаў мінулы год. Сапраўдны поспех сярод маленькіх чытачоў атрымаў квэст па матывах творчасці нямецкага пісьменніка О.Пройслера «Падарожжа па зачараваным лесе», які малады бібліятэкар падрыхтавала сумесна з загадчыцай чацвёртага філіяла Кацярынай Цімафеевай. А на абласным конкурсе відэаролікаў, прысвечаным пісьменнікам-юбілярам, праект Юліі Мікалаеўны «Нізка голаў скланяю юнача», прымеркаваны да 125-годдзя з дня нараджэння выдатнага беларускага пісьменніка М. Багдановіча, заваяваў другое месца. У бягучым годзе малады спецыяліст правяла больш за 120 мерапрыемстваў разнастайнага кшталту.

 

Название: PRO - культура

Автор: Радзько  Нэлі

Издание : Новополоцк сегодня. – 2017. –18 августа. - С. 16.

 

         Бібліятэка імя  Я.Коласа

     “Кнігі на ўсе часы”. Пад такой назвай у бібліятэцы імя Я.Коласа стартаваў кніжны марафон. Супрацоўнікі бібліятэкі прапануюць сваім чытачам самыя знакамітыя  творы сусветнай літаратуры. Сярод іх лепшыя беларускія, рускія, амерыканскія і еўрапейскія класікі.

         Не меншую цікавасць прадстаўляе выстава “Горад, у якім хочацца чытаць”.Праз свой праект “Арт-вакно” супрацоўнікі установы культуры        звяртаюцца да навапалачан з заклікам да чытання. “У хуткім часе – 15 верасня – усе бібліятэкі краіны адзначуць сваё прафесійнае свята. Наваполацк = горад, накіраваны  ў будучыню. Адным з важных фактараў для рознабаковага развіцця асобы з’яўляецца ўзровень інфрмацыйнай культуры, які дасягаецца праз чытанне. Кніга дапамагае сфарміраваць маральныя прынцыпы ікультурныя каштоўнасці, развівае фантазію вучыць аналізаваць уласныя і чужыя учынкі”, – у размове з карэспандэнтам “НС” адзначыла загадчык установы Таццяна Конышава. Выстава працягне сваю работу да канца верасня. 

 

          Бібліятэка імя С.Маршака                                                                                                                                                                                      

         Да канца лета ў бібліятэцы працуе цудоўная выстава літаратуры, прысвечаная 135-годдзю з дня нараджэння беларускіх паэтаў і пісьменнікаў Янкі Купалы і Якуба Коласа.

 

          Бібліятэка-філіял № 8

          З нагоды  205-годдзя г.п.Баравуха ў бібліятэцы-філіяле № 8 прайшла цікавая выстава-квілт.

        Першае пісьмовае згадаванне мястэчка датуецца 1812 годам – часам Айчыннай вайны з Напалеонам. Побач з Баравухай праходзіў Кацярынінскі тракт з Дрысы ў Полацк. Пасля адкрыцця чыгуначнага руху ад Полацка да Віцебска  ў кастрычніку 1866 года ў Баравусе з’явілася станцыя Рыга-Арлоўскай чыгункі. Адкрццё новай транспартнай магістралі паспрыяла эканамічнаму развіццю мястэчка. У 1916 годзе ў складзе дарожна-будаўнічага атрада тут працаваў будучы знакаміты беларускі паэт і пісьменнік Янка Купала.

          У гады Вялікай Айчыннай вайны (1941-1945гг.) на тэрыторыі Баравухі размяшчаўся буйны нямецкі гарнізон, існаваў канцлагер для  ваеннапалонных, у якім загінула  боль за 29 000 савецкіх воінаў і мясцовых жыхароў. У 1944 годзе тут засталося  толькі 5 двароў, 245 – былі спалены нацыстамі.

       На выставе экспанаваліся гістарычныя мапы, паштоўкі, артыкулы  з перыядычнага друку, кнігі, прысвечаныя гісторыі пасёлка. Сярод іх творы Дзяніса Давыдава – знакамітага рускага паэта, яркага прадстаўніка “гусарскай паэзіі”, генерал=лейтэнанта, аднго з камандзіраў партызанскага руху часоў Айчыннай вайны 1812 года.

 

Название: PRO - культура

Автор: Радзько  Нэлі

Издание : Новополоцк сегодня. – 2017. –11 августа. - С. 16.

 

       Бібліятэка імя У.Караткевіча

      З нагоды 500-годдзя беларускага кнігадрукавання ў бібліятэцы імя У.Караткевіча адкрылася выстава “Сусвет Францыска Скарыны”. На ёй прадстаўлены каля 20 кніг і артыкалаў з перыядычнага друку, прысвечаных нашаму знакамітаму асветніку. Большасць экземпляраў – навінкі, выдадзеныя ў 2016 годзе. Сярод іх ёсць сапраўдныя скарбы літаратуры з цікавымі тэкстамі, займальнымі фактамі і выдатнай паліграфіяй. Напрыклад, дзіцячая энцыклапедыя “Францыск Скарына” у трох тамах. Яе аўтар, вядомы скарынавед Алесь Суша, расказвае пра першадрукара праз навуковыя факты, але вельмі займальна. Першы том “Скарына – чалавек энцыклапедыя” – пра шматграннасць першадрукара. Ён і вучоны, і асветнік, і прадпрымальнік, і мастак, і палітык… Другая частка “Францыск Скарына – чалавек свету” прысвечана падарожжам вялікага палачаніна. Трэцяя, “Францыск Скарына – чалавек легенда”, распавядае пра спадчыну асветніка. Тут ёсць разделы пра рукапісную кнігу, ўзнікненне кнігадрукавання, тэхналогіі, якімі карысталіся ў тую эпоху. Паколькі выданне адрасавана юным чытачам, яно максімальна візуалізавана. Можна пабачыць і “Зал сарака” у Падуанскім універсітэце, дзе знаходзіцца фрэска з выявай нашага Францыска, інтэр’еры Кракаўскага ўніверсітэту, вуліцы старажытнага Полацка, каналы ў Капенгагене і шмат іншага.

      Не меньшую цікавасць прадстаўляе выстава дзіцячых малюнкаў “Коткатэрапія”, прысвечаная любімым многімі хатнім жывёлам – катам. Экспазіцыя ў межах аўтарскага бібліятэчнага праекта “Шлях да майстэрства” аб’яднала больш за 30 карцін, выкананых гуашшу, акварэллю, каляровым алоўкам, пастэллю. Аўтары работ – юныя чытачы бібліятэкі, удзельнікі ізастудыі “Хамелеон” Палаца дзяцей і моладзі (кіраўнік Таццяна Асташкевіч).

 

Название: “Першадрукары” на новы лад

Автор: Радзько  Нэлі

Издание : Новополоцк сегодня. – 2017. – 8 августа. - С. 6.

 

      У межах святкавання 500-годдзя беларускага кнігадрукавання ў Наваполацку прйшоў гараскі этап абласнога конкурсу самаробнай кнігі. У якасці сучасных “першадрукароў” сябе паспрабавалі навучэнцы першага курса Наваполацкага політэхнічнага каледжа пад кіраўніцтвам загадчыцы бібліятэкі ўстановы Алесі Давдзенка, вучаніца 5 “А” класа СШ №12 Дамініка Карэва і настаўніца пачатковых класаў СШ №14 Ганна Такальчык. Іх творчыя работы былі адпраўлены на другі этап конкурсу і будуць экспанавацца на выставе-аглядзе, якая пройдзе ў верасні -  падчас святкавання Дня беларускага пісьменства ў Полацку. Сакрэтамі стварэння кніжных навінак з карэспандэнтам “НС” падзяліліся фіналісты гарадскога этапа конкурсу.

 

Название: Святло кнігі

Автор: Радзько  Нэлі

Издание : Новополоцк сегодня. – 2017. – 8 августа. - С. 1, 6.

 

         Шостага жніўня споўнілася 500 год з дня, калі ў Празе пабачыла свет першая друкаваная кніга на старажытнай беларускай мове – “Псалтыр”. Яе выдаў наш земляк – палачанін Францыск Скарына. Даступнасць чытання прынесла людзям магчымасць шукаць інфармацыю і самастойна аналізаваць яе. Эпоха кнігадрукавання стала прадвеснікам з’яўлення газет, радыё, тэлебачання і інтэрнэта.

        Нягледзячы на развіццё інфармацыйных тэхналогій, кніга і сёння з’яўляецца асноўнай крыніцай ведаў. Да яе звятаюцца школьнікі, студэнты, навукоўцы, даследчыкі і простыя аматары чытання. У кожнага свае запатрабаванні і густ. Сакрэтамі навігацыі ў бясконцым інфармацыйным патоку, яго класіфікацыяй, апрацоўкай і сістэматызацыяй валодаюць прадстаўнікі адной з самых паважаных прафесій у свеце – бібліятэкары. Першыя крокі на шляху знаёмства з тонкасцямі гэтай справы робяць маладыя спецыялісты цэнтралізаванай біблітэчнай сістэмы г.Наваполацка Алена Кісель і Аляксандра Цюрына.

       На працу ў бібліятэку-філіял №2 імя К.Сіманава ўраджэнка вёскі Валынцы Верхнядзвінскага раёна Аляксандра Цюрына прыйшла пасля заканчэння факультэта інфармацыйна-дакументных камунікацый Беларускага дзяржаўнага ўніверсітэта культуры і мастацтваў. “Уважлівая да запатрабаванняў чытача, хуткая на пад’ём, напоўненая цікавымі творчымі ідэямі і жаданнем працаваць”, - так характэрызуе загадчыца другога філіяла Таццяна Пятрага сваю новую супрацоўніцу. Першы прафесійны вопыт Аляксандра атрымала яшчэ ва ўніверсітэце – праходзіла працоўную практыку ў Нацыянальнай бібліятэцы Беларусі. З вялікай павагай дзяўчына ставіцца да гісторыі родных мясцін, ўдзельнічае ў краязнаўчых экспедыцыях па Беларусі, займаецца спортам. Яшчэ школьніцай яна неаднаразова прадстаўляла родную мясцовасць на спаборніцтвах па лёгкай атлетыцы, а падчас вучобы ва ўніверсітэце была адной з лепшых у складзе моладзевага атрада правапарадку грамадскай арганізацыі БРСМ.

       З першага жніўня да працы ў бібліятэцы-філіяле №3 імя С.Маршака прыступіла яшчэ адна выпускніца ўніверсітэта культуры – Алена Кісель. Алена нарадзілась і вырасла ў чароўным вішнёвым краі, знакамітым свамімі азёрамі і велічнымі храмамі, - горадзе Глыбокае. З дзяцінства была вельмі творчай натурай. Дзяўчына мае добрую музычную адукацыю, займаецца народнымі танцамі і фатаграфіей. Любіць падарожнічаць і вывучаць архітэктуру. Усебаковыя таленты Алены праявіліся ва ўніверсітэце. Разам з аднагрупнікамі яна арганізоўвала цікавыя культурныя імпрэзы, праводзіла акцыі для дзяцей, ўдзельнічала ў стварэнні відэарэпартажа пра знакамітага беларускага палітычнага і грамадскага дзеяча ХІХ стагоддзя Караля Чапскага. “Мэтанакіраваная дзяўчына, валодае добрымі ведамі і жаданнем спасцігнуць асаблівасці бібліятэчнай справы”, - гаворыць пра свайго маладогоа спецыяліста загадчыца бібліятэкі імя С.Маршака Таццяна Хватынец.

           Аляксандра і Алена – розныя, але іх яднае любоў і павага да кнігі.

Название: PRO-культура

Автор: Радзько  Нэлі

Издание : Новополоцк сегодня. – 2017. – 4 августа. - С. 16.

 

Бібліятэка імя Я.Коласа

     Сучасная публічная бібліятэка – гэта не толькі паўнавартасныя інфармацыйныя рэсурсы, свабодны доступ да іх, але і камфортнае асяроддзе для чытачоў: з “шумнымі” и “ціхімі” зонамі, з адкрытымі вялікімі прасторамі-пляцоўкамі і асобнымі кабінетамі, з маленькімі чытальнымі заламі, дзе можна адасобіцца ў “запаветным” кутку на абанеменце. Супрацоўнікі філіялаў цэнтралізаванай бібліятэчнай сістэмы нашага горада адчуваюць запатрабаванні сучаснасці і смела крочаць насустрач зменам.

        З мэтай пашыраць межы прастораў “храма кнігі” бібліятэка імя Я.Коласа запусціла новы цыкл прома-акцый “Бібліятэка без сцен”.

       З надыходам цёплага надвор’я супрацоўнікі ўстановы зладзілі імправізаваны “Кніжны дворык” на свежым паветры, дзе прапаноўвалі жыхарам горада творы на любы густ – ад рамана да фантастыкі. Прыемным дадаткам да цікавага чытва стаў падарунак-закладка з дэвізам акцыі: “Кніга не ведае межаў!”. Для аматараў перыядычнага друку працавала “лаўка часопісаў”. Зручна ўладкаваўшыся на лавачцы, наведвальнікі маглі пазнаёміцца з апошнімі навінкамі сучаснай прэсы.

Название: PRO-культура

Автор: Радзько  Нэлі

Издание : Новополоцк сегодня. – 2017. – 28 июля. - С. 16.

 

Бібліятэка імя Я. Коласа

     2017 год адзначаны юбілеямі двух знакамітых класікаў беларускай літаратуры – Якуба Коласа і Янкі Купалы. З гэтай нагоды супрацоўнікі бібліятэкі імя Я. Коласа аформілі выставу-панараму “У думках, у сэрцах, у песнях: песняры зямлі беларускай”. Выстава прапануе ўвазе наведвальнікаў цікавыя факты з жыцця і творчасці паэтаў, прысвячэнні і ўспаміны іх суайчыннікаў.

 

Название: PRO-культура

Автор: Радзько  Нэлі

Издание : Новополоцк сегодня. – 2017. – 14 июля. - С. 16.

 

Бібліятэка імя А.С.Пушкіна

З 1 чэрвеня па 31 жніўня дзіцячая бібліятэка імя А.С.Пушкіна запрашае гараджан сабраць асабісты гербарый.

Раз у тыдзень у бібліяэцы і на сайце цэнтралізаванай бібліятэчнай сістэмы г.Наваполацка будзе з’яўляцца інфармацыя аб неабходнай для калекцыі расліне. Збіраць кветкі і травы трэба ў сухое надвор’е, без расы на лісце. Прасцей за ўсё сушыць у кнігах і часопісах, а захоўваць – у звычайным альбоме. Затым сабраны матэрыял неабходна аформіць: падпісаць назву кожнага “экспаната”, месца яго знаходжання (лес, луг), дату і месца збору (горад, вёска, раён, вобласць). Аформіць гербарый можна на аркушы картона фарматам А3, дадаўшы да абавязковага спісу любыя расліны, што прыйшліся да спадобы.

З 1 кастрычніка ўсе ўдзельнікі змогуць выставіць свае калекцыі ў бібліятэцы імя А.С.Пушкіна.

 

Бібліятэка імя Я. Коласа

Да канца ліпеня ў бібліятэцы імя Я. Коласа працуе фотавыстава Аляксея Пузікава “Дзякуй за жыццё!”. На экспазіцыі прадстаўлены фотоздымкі шчаслівых бацькоў, а таксама спецыялістаў цэнтра “ЗаРаджэнне” і проста сардэчных людзей, удзел якіх паспрыяў захаванню жыцця немаўлят.

Ініцыятарам выставы стаў каардынацыйны цэнтр абароны сямейных каштоўнасцей “ЗаРаджэнне” Полацкай епархіі, галоўныя задачы якога – выратаванне ненароджаных дзяцей і ўмацаванне інстытута сям’і. Цэнтр быў створаны ў 2012 годзе па блаславенню архіепіскапа Полацкага і Глыбоцкага Феадосія.

 

Название: PRO-культура

Автор: Радзько Нэлі

Издание : Новополоцк сегодня. – 2017. – 7 июля. - С. 16.

 

Бібліятэка імя А.С.Пушкіна

Абласное свята-конкурс самадзейных паэтаў і кампазітараў “Песні сунічных бароў”, якое напрыканцы чэрвеня прайшло ў г.п.Лёзна, стала знакавым для наваполацкага народнага літаратурна-музычнага аб’яднання “Крылы”. 

“Гран-пры конкурсу заваявала паэтка, бард Іна Саламаха (Мароз). Перамогу новапалачанцы прынеслі верш “Слодыч дзяцінства” і “Сэрца маё – Беларусь!”. За аўтарскія песні “Музыка“ і “Сад” кампазітар, спявачка Алена Штукіна была адзначана дыпломам у намінацыі “Музычны густ”. А паэт, Міхаіл Зудзілаў прывёз дадому дыплом удзельніка абласнога конкурсу. На свяце ён выканаў бардаўскую песню на злабадзённую тэму “Абаненты сеткі закаханых”, - расказала кіраўнік аб’яднання “Крылы” Галіна Сташкевіч.

 

Название: Достояние народа

Автор: Клуб друзей Культуры «Истоки» при библиотеке им.Я.Коласа

Издание : Новополоцк сегодня. – 2017. – 16 июня. - С. 14.

 

     Славянская письменность возникла в Великой Моравии - государстве, которое занимало территории современных Словакии, Чехии, Венгрии, Силезии, юга Польши и запада Украины.

     Годом создания азбуки считается 863-й - когда в Византию прибыли послы от моравского князя Ростислава с просьбой направить к нему проповедников, владеющих славянским языком. Ими стали Кирилл и Мефодий. Сегодня мы являемся наследниками и преемниками бесценного дара, оставленного нам святыми равноапостольными братьями. В память об их великом подвиге ежегодно 24 мая отмечается День славянской письменности.

    Колыбелью белорусской государственности и культуры по праву считается древний Полоцк. Здесь родились великие просветители земли белорусской - Евфросиния Полоцкая, Франциск Скорина, Симеон Полоцкий.

     Осознав значимость духовного просвещения, Скорина первым среди восточных славян начал книгоиздательскую деятельность. 6 августа 1517 года в Праге вышла в свет его первая книга - «Псалтырь», в предисловии к которой он писал: «Я, Франциск Скорина, сын славного Полоцка, в лекарских науках доктор, повелел есми Псалтырю тиснути русскими словами, а словенским языком».

       В нынешнем году отмечается 500-летие белорусского книгопечатания, неразрывно связанное с именем нашего всемирно известного земляка. Этому знаковому событию посвящена выставка «Ее Величество книга», которая проходит в библиотеке им. Я. Коласа. 20 мая в учреждении состоялся концерт классической музыки, приуроченный ко Дню славянской письменности. В исполнении учащихся детской школы искусств №1 Ангелины Пирог, Федора Апанасовича прозвучала музыка всемирно известных композиторов: И.С. Баха, Э. Грига, С.Прокофьева.

Page 5 of 7
You are here:   Home Библиотеки в СМИ