Найвялікшай спадчынай для нас з’яўляецца творчасць Уладзіміра Сямёнавіча Караткевіча, пісьменніка незвычайнага таленту і яркай асобы – класіка беларускай літаратуры, паэта, празаіка, драматурга, кінасцэнарыста, публіцыста і перакладчыка.

Да яго дня нараджэння ў бібліятэку г.Наваполацка, якая горда носіць імя творцы, на гадзіну літаратурнага партрэта ”Быў. Ёсць. Будзе“ былі запрошаны вучні 6”Б“ класа СШ №12.

У пачатку мерапрыемства бібліятэкар расказала дзецям пра жыццё і творчасць выдатнага беларускага пісьменніка, пазнаёміла з яго кнігамі: ”Кацёл з каменьчыкамі“, ”Лебядзіны скіт“, ”Зямля пад белымі крыламі“, ”Чорны замак Альшанскі“ і інш. Госці даведаліся шмат новага, з вялікім задавальненнем прадэкламавалі вядомыя вершы аўтара, адказалі на пытанні віктарыны, каб замацаваць атрыманыя веды.

Школьнікі адкрылі для сябе і талент Караткевіча – мастака і пазнаёміліся з яго малюнкамі, выстава якіх была падрыхтавана да сустрэчы.