Нечат этой страницы

Жыццедайнае слова – у вершах і песнях…

26 Feb,2021
блог собакифонари охота
Жыццедайнае слова –  у вершах і песнях…

З нагоды двух святочных дзён – Міжнароднага дня роднай мовы і Дня абаронцаў Айчыны 23 лютага ў зале мастацтваў цэнтральнай бібліятэкі імя У.Маякоўскага літаратурна-музычнае аб’яднанне “Крылы” ладзіла вечарыну-канцэрт, якую яго кіраўнік Галіна Сташкевіч адкрыла цудоўным вершам “Родная мова” Лідзіі Полазавай. Быў узгаданы і верш “Каб змагла” Юрася Касцюка, прысвечаны беларускай мове. 

Працягваў канцэрт паэт-бард Міхаіл Зудзілаў, у выкананні якога прагучала песня “Жыць”, напісаная ім на верш паэтэсы Тамары Талкачовай. Аўтарскай песняй “Двадцать третье февраля” ён павіншаваў усіх мужчын са святам. Да любага горада са сваім вершам “Наваполацк – наш горад любімы” звярнулася паэтка-бард Ірына Вашчанка. Была прадстаўлена прэм’ера яе новай песні “Наша армия”. З вершам “Десантникам” выступіў Вячаслаў Атрахімовіч. 

Дзякуючы Фаіне Грынёвай на канцэрце гучала і ўкраінская мова. Спявачка выканала песню “Ты серавокі мой дурман…” Венядзікта Грынёва. У яе выкананні прагучала і вядомая эстрадная песня “Ах, эти тучи в голубом”.

Аляксандр Ігонін выканаў песні ваенных гадоў “Враги сожгли родную хату” і “Заветный камень”. Патрыятычныя песні “Не хочу разбавлять чёрное с белым” і “В России-матушке” прагучалі ў выкананні Аляксандра Нясона. Галіна Сташкевіч прачытала свой верш-рэквіем “Кожны чацвёрты… трэці… другі…”.

Цудоўную кампазіцыю падрыхтаваў дуэт Саўровых. Вадзім чытаў свае армейскія вершы, а яго сын Аляксандр праспяваў песні “Кукушка” Віктара Цоя і “Двадцать третье февраля” Вадзіма Саўрова.

Кампазітар Валянціна Пакрапіўная на фартэпіяна сыграла свае аўтарскія п’есы ў гонар святаў. На заключэнне канцэрта маладая спявачка Маргарыта Змітровіч праспявала дзве папулярныя песні “От Волги до Енисея” і “Гэта Беларусь мая”.

Праз жыццедайнае, жыватворнае, прыгожае, непаўторнае Слова трох славянскіх моў была выказана любоў і пашана да Айчыны і яе абаронцаў! 

 {gallery}stories/2021/20210226-slowo-w-stihah{/gallery}

Прочитано 473 раз(а) Последнее изменение 26 Feb,2021
Оценить
голос(ов)