Пад такой назвай 9 лютага ў зале мастацтваў цэнтральнай бібліятэкі імя У.Маякоўскага прайшла вечарына-канцэрт, прысвечаная юбілею Сяргея Гоманава – паэта-барда, удзельніка літаратурна-музычнага аб’яднання “Крылы”. Яго кіраўнік Галіна Сташкевіч да гэтай нагоды падрыхтавала творчы партрэт юбіляра, які ўвабраў у сябе асноўныя падзеі і дасягненні з творчага жыцця Сяргея Гоманава.

Потым праз своеасаблівую аўтарскую паэму паэт-бард распавядаў пра ўсеабдымную любоў: ад матчынай калыханкі да жанчыны-каханкі. У выкананні Сяргея Гоманава прагучалі прыгожыя і мілагучныя аўтарскія песні, а таксама песні, напісаныя на вершы паэтаў-“крылаўцаў” – Ганны Аляскеравай, Юрася Касцюка, Галіны Сташкевіч.

Канцэрт Сяргея Гоманава – малітоўная споведзь пра самыя дарагія каштоўнасці жыцця, дзе галоўнае – любоў, якая ў кожным акордзе на струнах яго гітары.

 Больш дасканала пра гэта мерапрыемства можна даведацца на старонцы літаратурна-музычнага аб’яднання “Крылы” ў сацыяльнай сетцы Facebook.

{gallery}stories/2021/20210211-akordy-lubovi{/gallery}